Aryen TV

دوازدە مەجلسی سەربازی لە باکوور و رۆژهەڵاتی سووریە راگەیندرا

لە دوای تێکشکاندنی داعش هێزەکانی سووریەی دموکراتیک قەسەدە هەوڵدەدات سیستمی پاراستنی باکوور و رۆژهەڵاتی سوریە لە نێو مەجلسی سەربازی جێگیر بکات و هەر وەها دەرفەت بۆ جەوانانی هەرێمەکان بکاتەوە کە خۆیان لە سیستمەکە بەڕیوەببەن و هەرێمەکانیان لە هەڕەشەکانی دەورووبەر بپارێزن.

سەبارەت بەو بابەتە فەرماندەی قەسەدە حەسەن قامشلۆ بە ئاژانسی هاواری راگەیاند: ئەو بڕیارە بۆ ئەوە دراوە کە سیستمی سەربازی بە گوێرەی تایبەتمەندیەکانی هەرێمەکان لە سەر بنەمای پاراستنی رەوا خۆیان بەهێز بکەن .هەر وەها بۆ ئەوەشە کە دەرفەتێک بۆ جەوانانی هەرێم هەبێت تاکوو خۆیان لە ژێر چەتری قەسەدە سیستمی سەربازی خۆیان بەرێکخستن بکەن.هەتا ئێستا ١٢ مەجلسی نزامی لە هەرێمەکانی باکوور و رۆژهەڵاتی سوریە راگەیەندراوە، لە هەر مەجلسێک فەرماندەیی گشتی و ئەندامانی مەجلس لەلایەن خۆیانەوە هەڵبژێردراون و ئاڵای تایبەتی خۆیان هەیە.

حەسەن قامشلۆ فەرماندەی قەسەدە جەختی کردەوە کە پرووسەی بنیاتنانی مەجلسی نزامی بۆ خۆی سیستمێکە و لە هەموو شار و ناوچە سەرەکیەکانی فدراسیۆنی باکور و رژۆهەڵاتی سووریە پێکدێت و ئێستا هەر هەرێمێک ئامادەکاری بۆ راگەیاندنی مەجلسی خۆی دەکات، نوێنەر و بەرپرسی نزامی خۆی هەڵدەبژێرێت تاکوو بەشداری مەجلسی نزامی گشتی قەسەدە و فەرماندەیی گشتی بن.

شایانی بیرهێنانەوەیە کە قەسەدە لە ١٥ی ئوکتوبری ٢٠١٥دا بە رێگای کۆنگرەیەکی چاپەمەنی لە ١٣ تابوور، یەکینە و هێزی هەمووی پێکهاتەکانی باکور و رۆژهەڵاتی سووریە لە کورد، عەرەب، سوریانی، تورکەمەن، چەرکەز و ئاشور دامەزرێندرا.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

وەشانی ڕاستەوخۆ

Copyright © All rights reserved. | Newsphere by AF themes.