Aryen TV

ئامریکا هێرشی مووشەکی کردە سەر چەتەکانی ئەلقاعیدە لە ئیدلیب

ناوەندی فەرماندەیی هێزەکانی ئامریکا بڵاوی کردەوە کە مۆڵگەکانی گروپی ئەلقاعیدەیان لە شاری ئیدلیب لە سوریە موشەکباران کردوە.

وەزارەتی بەرگری ئامریکا ناسراو بە پێنتاگۆن رایگەیاندوە کە ناوەندی فەرماندەیی هێزەکانیان مۆڵگەی گروپی ئەلقاعیدەییان لە شاری ئەدلیب موشەکباران کردوە و چل کەس لە چەکدارانی ئەلقاعیدەیان کوشتوە.

شاری ئیدلیب بە دەست چەند گروپێکی دژبەری رژیمی سوریەوەیە و بەشێک لەو گروپانە لە لایەن رژیمی ئەردوغانەوە دروست کراون وکۆنتروڵ دەکرێن.

هێرشی موشەکی هێزەچەکدارەکانی ئامریکایی لە کاتێکدایە کە رژیمی سوریە ئاگربەستێکی یەکلایەنەی راگەیاندبوو و رۆژی شەممە ئەو ئاگربەستە کەوتبوە بواری جیبەجێکردنەوە.

ماوەیەکە رژیمی داگیرکەری تورکیە هێزیکی زۆری لە سەر سنوورەکانی رۆژئاوای کوردستان وباکوری سوریە ،موڵداوە و هەڕەشەی داگیرکردنی ناوچەکانی ژیر کونتروڵی خۆبەڕیوەبەری باکوری سوریا دەکات. ئامریکایەکان ناوەندگیری دەکەن بۆ دۆزینەوەی رێگایەکی دور لە شەڕ و هێزەکانی سوریەی دیموکراتی و خۆبەڕیوەبەری باکوری سوریا پێشنیارەکانی ئامریکایان قەبوڵ کردوە بەڵام ئەردوغان بەردوامە لە هەڕەشەکانی و ئەوەش گوشار دەخاتە سەر ئامریکا لە ناوچەکەدا.

حەوتوی رابوردو ئەردوغان سەردانی روسیەی کرد و لەگەل پوتین دا کۆبونەوە و باسیان لە رەوشی سوریە کرد و ئەردوغان داوای لە روسیە کردبوو لە ئەدلیب دژی هێزەکانیان نەوەستنەوە بەڵام هاوکات کە پوتین ئەردوغانی داوەتی بەستنی خواردن کردبو فروکەکانی روسی سەربازانی تورکیەیان بوردومان دەکرد.

لەوە ئەچی موشەکبارانی ئامریکا بە دژی ئەو لێکنێزک بونەوانەی تورکیە و روسیە و بۆ وەشیار کردنەوەی ئەردوغان بێت کە نەکەوێتە بەرەی دژبەری بەرژەوەندەیەکانی ئامریکاوە.

تەنیا ناوچەی ئەمن لە سوریە ئەو دەڤەرانەیە کە لە ژێر کونتروڵی هێزەکانی سوریەی دیموکراتی و لە لایەن خۆبەڕیوەبەری باکوری سوریە بەڕیوە دەچی و بەشەکانی دیکەی سوریە لە شەڕ و نائارامیدایە، رژیمی ئەردەوغان چاوی بەو ئارامیەدا هەڵنایە و بەردەوام هەڕەشە لە داگیرکردنی ئەو دەڤەرانە دەکات.

شایانی باسە بێجگە لە هێزەکانی سوریەی دیموکراتی لە باکوری سوریە هێزە ئامریکای و هاوپەیمانەکانیشی هەن و تێکدانی ئارامی ناوچەکە ئەوانیش روبەڕوی تەنگەتاوی دەکاتەوە.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

وەشانی ڕاستەوخۆ

Copyright © All rights reserved. | Newsphere by AF themes.