کرمان..چل و هەفت کەس لە ئاکام خوڵ وارین ئەڕا نەخوەشخانە ئنتقاڵ دریانە

49

وە خاتر خوڵ وارین لە شارسان ریگان ئوستان کرمان ٤٧ کەس ئەڕا دەرمانگای ئی شارسانە ئنتقاڵ دریانە.

فەرماندار شارسان ریگان ئەمین باقری لە قسەیلێگ وەتیە: وە خاتر خوڵ وارین هەتا ئیسە ٤٧ کەس ئەڕا دەرمانگا ئنتقاڵ دریانە و هەوا ٢٧ بەرنبەر رەوش عادی خراوترە ک خەڵک رویوەروی رەوش خەتەرناکێگ بینە.

ناوبریاگ هەمیش وەتیە: وە خاتر قورسی خوڵ وارین و توفان شن لە ناو چەن روژ وەرین ٦٣ ئاوایی شارسان ریگان مەحاسرە بیە ک هویچ جوورە زانیارێگ لە باوەت رەوشتیان نازانریەد.

جێ وەتنە خوڵ وارین لە روژهەڵات کوردستان وئێران بیەسە دیاردەیگ و هەر سالە سەدان کەس وە خاتر خوڵ وارین تویش نەخوەشیەیل جوراوجوور بن ک هەتا ئیسەیش رژیم ئێران پرۆژەیک دڕیژخایان ئەڕا نواگیری کردن ئی خوڵ وارینە عەمەلی نکردیە و کەمتەرخەمە.

Leave A Reply

Your email address will not be published.