کابوڵ..لە ئەنجام دو تەقینەوە دەیان کەس گیانیان لە دەس دانە

51

ئیمڕوژ شەوەکی لە شار کابوڵ وڵات ئەفغانستان ٢ تەقینەوە روی دا، کە لە ئەنجاما دەیان کەس کوشیا و زامار بین.

تەقینەوەی یەکم هێرشیگ ئنتهاری بیە کە لە نزیک ناوەند خەوەر رەسانی ئەفغانستان رویدا و ٢٠ دەقە لە شوونی لە وەختێگ ئورژانس و روژنامەوانەیل رەسینە شونەگە تەقینەوەی دوێم رویدا.

وە پای راپورت وەزارەت بێداشت ئەفغانستان، لە ئەنجام تەقینەوەگان ٢٩ کەس کوشیاس کە چواریان روژنامەوانن، هەروەیجورە ٤٩ کەس ترەک زامار بینە.

جێ وەتنە، چەتەیل داعش بەرپرسایەتی تەقینەوەی کابۆڵ ئەنغانستان گردنەسە سەر شان.

ئی تەقینەوەیلە لە وەختێگە رویداس ک یەک هەفتە وەرجە ئیسە تەقینەوەیگ ترەک لە ناوەند سەبت دەنگدان کابۆڵ رویدا و لە ئەنجاما ٦٣ کەس گیانیان لە دەس دان و سەدان کەسترەک زامار بین.

Leave A Reply

Your email address will not be published.