هاوسەرۆک هەدەپە: کوردەیل لە هەڵوژاننەکان دەرس تاریخێک دەنە دەسڵاتدارەیل تورکیە

58

هاوسەرۆک پارت دموکراتیک گەلان، هەدەپە، پروین بوڵدان لە چوارچوەی چالاکییەیل هەڵوژانن لە تورکیە و باکوور کوردستان دویەکە سەردان ئوستان وان کرد.

هاوسەرۆک هەدەپە پەروین بوڵدان لە سەردانەکەی ئەرا ئوستان وان باکوور کوردستان تاکید کردیە گەل کورد و گەلان ترەک تورکیە ناتوان پارت عەداڵەت و تەوسعە، ئاکەپە و پارت حەرەکەت ملی، مەهەپە دەسڵات وە دەس بگرن.

پەروین بوڵدان لە قسەکانێ پێشبینی کردیە کوردەیل لە هەڵوژاننەکان تورکیە و باکوور کوردستان دەروسێک تاریخی دەنە دەسڵاتدارەیل تورکیە کە ئرادەیان ئنکار کەن.

هاوسەرۆک هەدەپە کە پێشتر سەردان ناوچەی ئاگری باکوور کوردستان کردێە تکرار کردیە کە گشت زندانییەیل سیاسی و شاردارەیل کە وە گروگان گریانە بایەد ئازاد بوون. بوڵدان لە قسەکانێ ڕوشنایی خستێە سەر دروەیل دەوڵەت ئەڕا دروس کردن نەخوەشخانە لە ناوچەی ئەردیش سەربار گوزەریان ١٠ ساڵ وە سەر ئەو پروژە.

هاوسەرۆک هەدەپە، پەروین بۆڵدان داوا لە گشت ئەو کەس و گروەیلە کردێە کە لە ڕەوش ئێسەیی تورکیە شەکەت بینە، بەشداری بکەن.

Leave A Reply

Your email address will not be published.