سزای ١٠ ساڵ زندان داسپیا سەر باوک و فەرزەنێک بەهایی لە ئوستان شیراز

66

دادگای ڕژیم ئێران سزای وەخاتر دین و باوەرێ، زندان داسپانە سەر ٢ کەس بەهایی خەڵک ئوستان شیراز.

وە پای ڕاپورت سەرچاوەیل خەوەری، دادگای رژیم ئێران لە ئوستان شیراز سزای ١٠ ساڵ زندان داسپانە سەر ٢ کەس بەهایی خەڵک ئوستان شیراز.
ناسنامەی ئەو ٢ کەسە کە باوک و فەرزنەنن نعمەت‌اللە بنگالە و نازەنین بنگالە ئیلان کریاس و تومەتەکەیان تەنیا دین و باوەڕییان بیە.
نعمت‌اللە و نازەنین بنگالە لە مانگ خەرمانان ساڵ ١٣٩٥ هەتاوی لە شوون وشکانن ماڵێان لە لایەن هێزەیل رژیم ئێران دەسگیر کریانە کە دویاتر وە دانایین گرەو ٥٥٠ ملیون تمەنەی وەشێوەی وەختی ئازادی کریانە کە ئێسە سزای ١٠ ساڵ زندان ئەڕایان دیاری کریاس.

جێ وەتنە رژیم ئێران لە وەردەوامی زەخت و فشارەیل خوەی ئەڕا سەر کەمینەیل ئایینی و نەتەوەیی ساڵانە ژمار فرەیک لە خەڵکەیل بەهایی، یارسان، دەروایش گونابادی، خەڵکەیل بەلوچ و گەلان ترەک ئێران دەسگیر و زندانی وە یا وە شێوەیل جیاجیا ڕوی وە ڕوی زەخت فشاریان کەید.

Leave A Reply

Your email address will not be published.