فیگەن یوکسکداغ خوازیار ئازادی سەڵاحەدین دەمیرتاش بی

47

نمایەندەی زندانی پارت دموکراتیک گەلان هەدەپە فیگەن یوکسکداغ خوازیار ئازادی سەلاحەدین دەمیرتاش کاندید رەییس جمهوری تورکیە بیە، یوکسکداغ و دەمیرتاش هاوسەرۆکەیل وەرین هەدەپە بینە کە سال ٢٠١٦ تا ئیسە وە دەستور ئەردوغان دیکتاتور تورکیە زندانی کریانە.

هەزاران کەس لە ئەندامەیل پارت دموکراتیک گەلان هەدەپە و ٩ نمایەندەی پارڵمان ئەی پارتە ئیسە لە زندانەگان تورکیە زندانیەن.

هاوسەرۆک وەرین هەدەپە فیگەن یوکسکداغ یەکی لە ئەو پارلمانتارەیلەسە کە مانگ نوامبر ٢٠١٦ وەگەرد هاوتای خوەی سەلاحدین دەمیرتاش دەسگیر و زندانی کریا.

پەنجمین جەلەسەی دادگایی یوکسکداغ لە حالیکا وەڕێوە چی کە وە هەیئەتەیل ناودەولەتی ئجازە نەیریا کە لە دادگا بەشداری بکەن.

یوکسکداغ لە ئدامە ئزافە کردیە، حزب حاکم تورکیە وە زندانی کردن ئیمە فکر کەید ئیمە لە جەهان سیاسەت لە ناو چیم، بەلام دوینیمن کە ئیسە سەڵاحەدین دەمیرتاش وە جور کاندید رەییس جمهوری هالە مەرکەز سیاسەت تورکیە.

نمایەندەی زندانی هەدەپە وە دەوڵەت تورکیە ئیلان کرد، ئیوە توانیین ئیمە زندانی بکەین، بەلام وە پێکهاتەیل جورواجور کە لایەنگەر هەدەپەن چە کەین.

فیگەن یوکسکداغ لە دفاعیات خوەی دژ وە دەوڵەت وەتیە: جالبە دەسلاتداری سیاسی، ک ئەساس جیاوازی هێزەگان شێوانیە، ئیمە وە جورم شیوانن نەزم گشتی تومەت بار کەید.

فیگەن یوکسکداغ هەمیش وەتیە: ئیمە جمشت ئومیدیم و کەسیگ ناتوانێ ئەی ئومیدە لە ناو بوەید، هویچ وەخت سەر خەم نەکردیمە و ناکەیم، هەرچی دەسگیر و زندانی بکەین، ئیمە وە جور نمایەندەیل گەلان سەرمان بەرزە.

یوکسکداغ لە ئدامە رەسمیەت هەڵوژانن تورکیە وە ژیر سوئال برد و وەت: حاکمەیل تورکیە ١١ نمایەندەی هەدەپە لە پارلمان دەر کردن و ئیسە وە بێ ئەوەیکە خەجالەتی بکیشن داوا لە خەڵک کەن بچنە پای سندوق و وە نمایەندەیل خوەیان دەنگ بیەن.

فیگەن یوکسکداغ خوازیار وەرێوە چین هەڵوژانن وە شیوەی دموکراتیک بی و وەت: حکومەت تورکیە لە ئازادی سەلاحەدین دەمیرتاش کە بیەسە کاندید رەییس جمهوری ترسێ، ئەگەر نواگیری لە چالاکیەیل سیاسی دەمیرتاش لە پشت میلەیل زندان بکریەد، شەرمەزاری گەورایگە ئەڕا ئەی کشوەرە.

هاوسەرۆک وەرین زندانی هەدەپە فیگە یوکسکداغ وە ئیلان ئەوەیکە، هویچ وەخت داخوازی ئازادی ئەڕا خوەی لە حکومەت تورکیە ناکەید، بەلام خوازیار ئازادی دمیرتاشە تا قسەیل خوەی وە جور کاندید رەییس جمهوری تورکیە وە خەڵک برسنێ.

Leave A Reply

Your email address will not be published.