حوکم ئجرای ئێدام رامین حوسەین پەناهی دریاسە وەکیلەگەی

47

لە شوون چەن وەخت لە گوزەریان دادگای زندانی سیاسی کورد رامین حوسەین پەناهی، حوکم ئجرای ئێدامێ ئەڕا وەکیل رامین حوسەین پەناهی هەناریاس.

خانەوادەی حوسەین پەناهی ئیلان کردنە، دویەکە پەنجشەمە حوکم جێ وەجێ کردن ئێدام رامین حوسەین پەناهی وە وەکیلەگەی حوسەین ئەحمەدی نیاز دریاس.

جێ وە هویر هاوردنە رامین حوسەین پەناهی روژ دو پویشپەڕ پارەکەی هەتاویی لە شوون شەڕ و دەرگیری ژمارێک پێشمەرگەی کۆمەلەی شۆڕشگەر زامەتکیشەیل کوردستان ئێران وەگەرد هێزەیل رژیم ئێران وە زاماری دەسگیر کریا و لە شوونێ لە بازداشتگا وە شیوەی وەحشیانە لە لایەن هێزەیل رژیم ئێران شکەنجە کریا.

ناوبریاگ کە دادگا وە تومەت موحاربە لە رێ ئەندامیەتی لە کۆمەڵە سزای ئێدام وە سەرێ داسەپیاس.

ئی زندانیە ماوەیگ وەرجە ئیسە ئەڕا جێ وەجێ کردن سزاگەی ئنتقاڵ دریا قەرەنتینەی زندان سنە، بەڵام وە خاتر مەوج نارەزایەتی لە جێ وە جێ کردن ئێدام ناوبریاگ دەس کیشانە دویا.

Leave A Reply

Your email address will not be published.