کۆمیتەی ئاموزش کەجەکە لە بەیانیەیگ روژ زوان کوردی بمارک وەتیە

4

ئیمڕوژ کۆمیتەی ئاموزش کۆنفدرالیسم کۆمەڵگایەیل کوردستان کەجەکە وە بلاو کردن بەیانیەیگ، جەژن زوان کوردی بامرک وەتیە.

لە بەیانیەگەی کۆمیتەی ئاموزش کەجەکە هاتیە: تەزمین کردن و رەسانن ئاماج شۆڕش کوردستان، وە پێشخستن هەنگاو ستراتژی ئاموزش نەتەوەی دموکراتیک روژ لە شوون روژ پێش کەفێ و درێژە دێرێ.

لە بەیانیەگە ئەوەیشە هاتیە: درێژە دان وە جەژن زوان کوردی، بوود گەوراکردن تێکۆشان ئازادی ئۆجەلان و هشت هێزەیل شۆڕشگەر و هێز گەریلا.

کۆمیتەی ئاموزش کەجەکە هەمیش وەتیە: دەوڵەتەیل داگیرکەر و نژادپەرەست، سەدان ساڵە سیاسەت خەتەر ناک لە سەر گەل کورد وەڕێوەبەن، قەیەخە کردن، قڕ کردن، تاوانن زوان و فەرهەنگ کوردی و شەڕ تایوەت لە سەر گەل کورد وەڕێوە بەن، تەنانەت ژمارێگ جار وە کار بردن وشەی کوردی بوودە بایس لێدان، شکەنجە و سزا.

لە ئدامەی بەیانیەگە هاتیە: ئیمە بایەد ئەوە خاس بزانیم، ئەگەر ئیمڕوژ دەسەڵاتداری دەوڵەت داگیر کەر و فاشیست تورکیە حس وە بین کورد و زوان کوردی کەی، لە ایەر پاوەگەزدان و تێکۆشان بێ وچان ٤٠ ساڵەی رابەر ئاپۆ، گەل و جمشت ئازادیخوازی کوردستانە.

کۆمیتەی ئاموزش کۆنفدرالیسم کۆمەڵگایەیل کوردستان کەجەکە لە ئەخر بەیانیەگەی وەتیە: ئەهمیەت و مانای بمارک کردن جەژن زوان کوردی، لازمە ئەڕا پویچەڵ کردن سیاسەت لە ناو بردن هونەر و کۆمەڵگای کورد.

Leave A Reply

Your email address will not be published.