خەلک زەویلەرزە لێدریاگ سەرپێڵ‌زەهاو لە لایەن رژیم ئێران پشت گوش خریانە

43

کەمتەرخەمی رژیم ئیران وە رەوش زنەیی خەلک زەویلەرزە لێدریاگ سەرپیل‌زەهاو، موشکل نەوین ئمکانات بێداشتی و دەیان موشکل ترەک لە شون شەش مانگ هەرماێ درێژە دێری.

لە شوون گوزەریان فرەتر لە شەش مانگ لە زەویلەرزەی ئوستان کرماشان، رژیم ئێران لە باوەت رەوش خەڵک زەوی‌لەرزە لێدریاگ کەمتەرخەمە و روژ لە شوون روژ رەوش خەڵک خراوتر بود.

وە پای ویدئوێگ ک بڵاو بیە خەڵک وەخاتر نەوین ئمکانات بێداشتی، رەوش زنەییان فرە خراوە، تەنانەت باس لە ئەوە کەن ک فازلاودەستشویی و حەمامەیلیان رشیەدە ناو شار و دەر مالەگانیان.کە بیەسە بایس نەخوەشی و ئالودەگی.

لە ئی چوارچوە خانەوادەێل نەیار و فەقیر شەش کەسی کە گشتیان بێجگە داڵگیان، کەرن و هوچ ناشنەفن، لە لایەن هویچ ئورگان وە یا سازمان رژیم ئێران کومەک ناکریەد و تەنیا سەرچاوەی دەرئامەدیان یارانەی کەمێگە کە گرنەی.

جی وەتنە روژ ٢١ خەزەڵوەر ساڵ وەرین هەتاوی زەوی لەرزەیگ وە هێز ٧.٣ دەهوم ریشتر ئوستان کرماشان لەرزان ک لە ئاکاما هەزاران کەس گیانیان لە دەس دان و زامار بین، دەیان هەزار کەسیش ئاوارە و هەتا ئیسەیش لە ناو چادر و کانکس زنەیی کەن و روژ لە شوون روژ لە سایەڕ کەمتەرخەمی رژیم ئێران رەوش زنەییان خراوتر بوود

Leave A Reply

Your email address will not be published.