یەک کۆڵبەر وە خاتر ئەوەیگە پویل عەمەل نەیرێ ئەگەر فەلەج بینێ ها لە ئارا

10

کۆڵبەرێک کورد خەڵک روژهەڵات کوردستان لە شوون ئەوەیەگە لە ژێر هەرەس وەفر زنێ مێنێ، ئیسە ئەگەر فەلەج بینێ ها لە ئارا.

کوڵبەرێگ جوان خەڵک شار سەقز لە قسەیلێگ ئیلان کەید: چەن ساڵ وەرجە ئیسە وەگەرد ٤ کۆڵبەر ترەک ک هەرچواریان بینە ژیر هەرەس وەفر و گیانیان لە دەس دان و ئیەیش وە خاتر سەرمای فرە پایەیلی رەق بەساس، ک ئیسە ئحتیاج وە عەمەڵ دێرێ بەلام وە خاتر نەوین پویل ئەگەر فەلەج بینێ ها لە ئارا.

وە پای قسەی ئەو کۆڵبەرە دوکتور داوای ٥ ملیون و ٥٠٠ هەزار تومەن پویل کردیە ک لە ئەو حالەتە توانێ کەوش بکەێدە پا.

ئی کاسبکار و کۆڵبەرەی کوردە ناوێ جەمشید و خەڵک شار سەقزە و ئیسەیش خەریک دەسفروشیە.

رژیم ئێران ئەڕا درێژە دان دەسەڵات خوەی، سیاسەت ورسێ کردن وەڕێوە بەید و لە روژهەڵات کوردستانیش خەڵک ئەڕا بژیوی زنەیی خوەیان روی تێرنە کار کۆڵبەری و کاسبکاری ک ساڵانە دەیان کەس لە کۆڵبەر و کاسبکارەیل کورد کریەنە ئاماج گولەیل هێزەیل رژیم ئێران و بوونە قوروانی.

 

Leave A Reply

Your email address will not be published.