لافاو، لە ئوستان دهۆک دەیان ماڵ و ماشین خراو بیە و ٤ کەسیش نادیارە

17

وە خاتر وارین واران فرە و هەڵسان لافاو لە ئوستان دهوک باشوور کوردستان، ٣٠ ماشین، ٥٠ ماڵ خەڵک بینەسە ژێر ئاو و ٤ کەسیش گیانیان لە دەس دانە.

شەو شەمە لە سەر یەکشەم لە ناوچەی بادینان ئوستان دهوک واران فرەیگ واری و بیە بایس هەڵسان لافاو.
وە پای گوزارش هەواشناسی دهوک ٥٣ میلی متر واران واریە.

هەروەیجوورە لە ناحیەی فایدە، دو ماشین خەڵک مەدەنی لافاو بردیەسەی و وە ئەو خاترە چارەنویس چوار کەس نادیارە و ئەو جوورە دیارە خنکیاوین.
هاووەخت لە ناو شار دهوک ٣٠ ماشین و ٥٠ ماڵ بینەسە ژێر ئاو و زەرەر و زیان فرەیگ دریاس لە خەڵکەگە.

تیمەیل پارێزین و فەوریەتەیل دهوک، وە خاتر نەوین فورسەت لازم، نەتوانستنە وە هانای خەڵک لێقومیاگ بچن.

لە لایترەک، دویەکە ئێوارە لە شنگال واران وارین دەسوەپیکرد و تا نیمەشەو ئدامە داشت، ک لە ئەنجاما وە خاتر وارین فرەی واران و لافاو، زەرەر و زیان فرەیگ دایەس لە ماڵ، چادر، باخ و زەوی زار خەڵک ناوچەگە.

Leave A Reply

Your email address will not be published.