بیست و پەنج کۆڵبەر خەڵک هەورامان لە لایەن هێزەیل رژیم ئێران دەسگیر کریانە

7

لە ئدامەی فشار رژیم ئێران لە سەر کۆڵبەرەیل، ٢٥ کۆڵبەر لە ناوچەیل هەوارامان روژهەڵات کوردستان لە لایەن هێزەیل رژیم ئێران دەسگیر و بارەکانیان زەفت کردنە.

وە پای گوزارش کۆڵبەر نیوز، شەو وەرین هێزەیل سپای پاسدارەیل رژیم ئێران لە پایگای ملەپەسک ناوچەی هەورامان روژهەڵات کوردستان، ٢٥ کۆلبەر مەحاسرە و لە شوونێ هیرش کردنەسە سەریان و دەسگیریان کردنە.

ئەو سەرچاوە هەمیش ئیلان کردیە: هێزەیل رژیم ئێران گشت کەل و پەل کۆڵبەرەگان زەفت کردنە.

ئیلان کریاس: ئەو کۆڵبەرەیلە لە شوون ئەوەیگە دەسگیر کریانە، کۆڵبەرەگان ئنتقاڵ دریانەسە پایگای ترەک سپای پاسدارەیل لە هەورامان وە ناو هانێ‌گەرمەلە.

سیاسەت فەقیر هیشتن و لە ژیر فشار قەرار دایین خەڵک روژهەلات کوردستان، نەوین کار و سیاسەت ناوەند گەرایی لە لایەن رژیم ئیران، خەڵک ناوچەیل مەرزی مەجبوور کەید روی بارنە کار کٶڵبەری و کاسبکاری، کە سەربار ئەوانە سالانە لە ئاکام هێرش هێزەیل رژیم ئێران دەیان کۆلبەر و کاسبکار کورد تویش تەڵەفات گیانی و ماڵی بوون.

Leave A Reply

Your email address will not be published.