یەک هەواپەیمای بار هەڵگر لە ئامریکا کەفتیەسە خوار ١٦ کەس گیانیان لە دەس دانە

7

لە ئەنجام کەفتنە خوار هەواپەیمایگ بار هەڵگر نزامی ئامریکا لە ئیالەت جورجیا، ١٦ سەرنشین هەواپەیماگە گیانیان لە دەس دانە.

دویەکە شەو هەواپەیمای سی ١٣٠ گارد ملی ئامریکا لە لای بوزرگرایگ لە نزیک فوردگایگ ناوچەیی لە شار ساوانا کەفتیەسە خوار.

فرێز رەندەل یەکێگ لە بەرپرسەیل تیم ئورژانس ئیالەت جورجیا ئیلان کردیە: تەرم ١٦ سەرنشین لە ناو هەواپەیماگە پەیا کردنە.

گارد ملی ئامریکا لە ئی بارە ئیلان کردیە: هەواپەیمای گارد هەوایی پورتوریکو بیە و پەرواز ئاموزشی ئەنجام داس.

لە لایترەک ژمارێگ لە سەرچاوەیل ئیلان کردنە: ئەو هەواپەیما ئەڕا ئنتقاڵ سوخت هێز دەریایی ئەرتش ئامریکا لە لایەن هێزەگانیان وە کار هاوریاس.

Leave A Reply

Your email address will not be published.