مانگردن کاسبکارەیل شار بانە ١٩ روژە بەردەوامە

9

مانگردن و ناڕەزایەتی دوکاندار و کاسبکارەیل شار بانە دژ وە داخریان دەروازە و بازارچەیل مەرزی روژهەڵات کوردستان و فرەتر کریان نرخ گومروک لە لایەن رژیم ئێران ئیمڕوژ و لە ١٩مین روژ بەردەوامە.

لە ئدامەی ناڕەزایەتی و مانگردن دوکاندار و کاسبکارەیل شارەیل روژهەڵات کوردستان، لە شار بانە ئیمڕوژ و لە ١٩مین روژ، خەڵک وە تاتیل کردن بازار و بەسان دوکانەیلیان، ناڕەزایەتیەکان خوەیان ئدامە دانە.

دوکاندار و کاسبکارەیل شار بانە لە ئدامەی ناڕەزایەتیەکان خوەیان، ئەڕا رەسین وە داخوازەکانیان، ئەڕا چەنمین جار لە وەردەم ساختمان فەرمانداری رژیم ئێران گردبینەوەی ناڕەزایی ئەنجام دانە و تەنانەت لە ناو خیاوانەکان چادر ناڕەزایی هەڵدانە.

هەروەیجوورە لە ناو روژەیل وەرین خەڵک، دانشجوەیل و ئەنجومەنەیل وە شیوەیل جوراو جوور بەشدار ناڕەزایەتیەگان بینە و پشتیوانی خوەیان ئیلان کردنە.

جێ وەتنە کاسبکار و دوکاندارتەیل شارەیل بانە، سەقز، جوانڕو، مەهاباد، پیرانشار، مەریوان و ژمارێ ترەک شار لە روژ ٢٦ خاکەلێوە یەک لە شوون یەک دژ دژ وە داخریان دەروازە و بازارچەیل مەرزی روژهەڵات کوردستان و فرەتر کریان نرخ گومروک لە لایەن رژیم ئێران دەسوەپێ کرد و ئیمڕوژ و لە ١٩مین روژ لە شار بانە مانگردن و ناڕەزایەتی هەمرای بەردەوامە.

Leave A Reply

Your email address will not be published.