لە ئەنجام تەقین مین لە حەسەکە سێ مناڵ گیانیان لە دەس دانە

6

لە حەسەکە و گرێ سپێ فدراسیون دموکراتیک باکوور سوریە دو تەقینەوە رویداس و لە ئەنجاما سێ مناڵ گیانیان لە دەس دانە و ژمارێگ کەس مەدەنی زامار بینە.

ئاژانس خەوەررەسانی فورات ئیلان کردیە: دویەکە ساعەت ١٢ وە وەخت قامشلۆ تەقین مین بیەسە بایس گیان لە دەس دان سێ مناڵ لە شار حەسەکە، هەروەیجوورە هەفت مناڵ ترەک زامار بیە.

ئەو سەرچاوە ئیلان کردیە”: مینەوانیەگان لە باوەت جوو مین و دەلیل تەقینێ لە لایەن هێزەیل ئەمنیەتی حەسەکە دەسوەپێ کردیە.

لە لایترەک ئاژانس خەوەری ئانها ئیلان کردیە دویەکە شەو لە ناوچەی هەمام ترکمان سەر وە کانتون گرێ سپێ مینێگ تەقیەسە ماشین خەڵک مەدەنی و لە ئەنجام دو کەس زامار بیە.

ئەو سەرچاوە ئیلان کردیە، زامارەگان ئەڕا نەخوەشخانەی گرێ سپێ ئنتقاڵ دریانە و مینەوانی لە تەقینەوەگە دەسوەپێ کردیە.

Leave A Reply

Your email address will not be published.