نەپەگە: ئیمە ئنتقام خوین شەهیدەیل شیلادزێ باشوور کوردستان سەنیمن

5

ناوەند پارێزین گەل نەپەگە وە بلاو کردن بەیانیەیگ سەرەخوەشی خوەی لە خانەوادەی سێ برای گیانبەختکردێ مەرز شیلادزێ باشوور کوردستان کە لە ئەنجام بوموارانەگان تورکیە کۆمەڵکوش بینە کردیە و قەول ئنتقام سەندن داس.

نەپەگە ئیلان کردیە: دەوڵەت داگیرکەر تورکیە دژ وە دەسکەفتەیل گەل کورد هێرش وەحشیانە ئەنجام دەید و لە ئی خاخریشە وە تەمای داگیر کردن باشوور و ناوچەی برادوست بین.

لە بەیانیەگە هەمیش هاتیە: هێزەیل تورکیە وە قورسی خەڵک مەدەنی بومواران و توپواران کەی و لە روژ ١٠ ئی مانگە لە ئەنجام بوموارانەگان تەیارەیل شەڕکەر تورکیە سێ بر ک خەریک کار بینە کریانەسە ئاماج و کۆمەڵکوش کریانە.

لە ئدامەی بەیانیەگەی نەپەگە هاتیە: لە هەمان مەرز، لە ٢٢ مانگ وەرینیش وە خاتر هێرش تەیارەیل شەرکەر تورکیە، هەڤالمان دەمهات زیندان رێکان شەهید بیەس، ئیە ئتفاقی نیە، بەڵکو ئاماج هێزەیل تورکیە کۆمەڵکوش کردن گەل کورد و کوچبەر کردن خەڵکە.

نەپەگە، داوا لە گەل کورد کردیە لە وەرانوەر هێرشەگان هەڵوێست جدی نیشان بیەن و وەتیە: بایەد ئدامە وە پاوەگەزدانەگانمان بیەیم هەتا وە دەس هاوردن ئازادی یەکجاری لە هەر چوار بەش کوردستان.

ناوند پارێزین گەل نەپەگە لە ئاخر بەیانیەگە سەربار ئیلان سەرەخوەشی لە خانەوادەی شەهید دەمهات و سێ برای شەهید شیلادزێ ئیلان کردیە: قەوڵ دەیم تا ئنتقام خوین شەهیدەیل نەسەنیم کوتایی وە پاوەگەزدانمان ناتیریم.

Leave A Reply

Your email address will not be published.