سازمان جوانەیل چەپ سوئد کەمپەین پشتیوانی لە یەپەگە و یەپەژە شروو کردنە

5

سازمان جوانەیل پارت چەپ سوئد لە دەسوەکار کردن کەمپەین هاوکاری کوکردن ئەڕا یەکینەیل پارێزین گەل یەپەگە و یەکینەیل پارێزین ژن یەپەژە خەوەر دانە.

جوانەیل چەپ سوئد لە بەیانیەگەیان بێ دەنگی کۆمەڵگای جەهانی لە باوەت کۆمەڵکوشی کوردەیل لە لایەن حکومەت تورکیە شەرمەزار کردنە و نویسانە: ئامریکا وە یەکینەیل پارێزین گەل لە وەخت شەڕ دژ وە داعش کومەک کرد بەلاملە وەخت هێرش تورکیە تەنیای هیشت.

لە بەیانیەگە هاتیە: تورکیە عەمدەن خەڵک مەدەنی بومواران کرد و خەڵک ناچار وە کوچ ئجباری کرد.

سازمان جوانەیل حزب چەپ سوئد، لە دەوڵەت سوئد خوازیار بیە دژ وە داگیرکاری عەفرین لە لایەن تورکیە هەڵوێست رەسمی خوەیان ئیلان بکەن.

کەمپەینێگ ک لە لایەن سازمان جوانەیل حزب چەپ دەسوەپێ کردیە، ئەڕا جەلب پشتیوانی ناودەوڵەتی لە یەکینەیل پارێزین گەل یەپەگە چالاکی کەی.

Leave A Reply

Your email address will not be published.