ئاڵدار خەڵیل: تەڤدەم لایەنگەر هویچ لایەن شەڕ لە سوریە نیە و چارەسەری ئاشتیانە وە ڕێ چارە زانێ

8

هاوسەرۆک جمشت کومەڵگای دموکراتیک, تەڤدەم” ئاڵدار خەلیل”، لە باوەت هێرش مویشەکی ئامریکا، فەرانسە و بریتانیا وە سوریە و قەیرانەیل ئیسەیی و هەڵوێست روسیە، ئێران و تورکیە وەگەرد ئاژانس خەوەری فورات گفتگویگ ئەنجام داس.

ئاڵدار خەڵیل تاکید کردیە، جمشت کۆمەڵگای دموکراتیک، تەڤدەم لاینگەر هویچ لایەن شەڕ نیە و تەنیا چارەسەری ئاشتیانە وە ڕێ چارە زانێ.

هاوسەرۆک جمشت کومەڵگای دموکراتیک، تەڤدەم ئاڵدار خەلیل، لە جواو وە سئوالێک لە باوەت هێرش هەوایی ئەڕا سوریە و هێرش شیمیایی لە دوما وەتیە: ئەی هێرشە دەلیلێ دیرێ کە پەیوەندی وە ئیسەوە نەیری، ئامانج هێرش هەم کوتاە مودەت هەم دریژ خایانە، ویشن چەک شیمیایی لە دوما وە کار هاتیە، ئیمە کوردەیل وە جور قوروانیەیل چەک شیمیایی وە دەرد ئەوە ئاشنایم و وە شیوەی جدی وەگەردی موخالفیم، ئەگەر لە چەک شیمیایی ئستفادە کردنە بایەد موجازات بکریەن و نواگیری وەلی بکەن، بەلام بایەد لەی باوەتە مینەوانی بکریەد.

ئاڵدار خەلیل، وە ئیلان پرسیاری کە ئەڕا بایەد مەسەلەی سوریە وە شەڕ و چەک شیمیایی حەل بکریەد، ئەڕا تەقەلایگ ئەڕای چارەسەری لە رێ گفتگوی سیاسی ئەنجام ناگرێ وەتیە، ئەی قەیرانە کوتایی نەیرێ، رژیم سوریە بایە بزانی کە تاویل داین سوریە وە روسیە و هێزەیل ترەک هویچ موشکلی چارەسەر ناکەید، سوریە وە دموکراسی لازم دێرێ.

هاوسەرۆک تەڤدەم ئیلان کردیە، ئیمە نە لایەنگەر لایەنیگن کە لە چەک شیمیایی ئستفادە کردنە و نە وڵاتەیلی کە دەس وە دەخالەتەیل نزامی دانە، تەڤدەم تەنیا ڕێ چارە وە ڕێ و ڕێباز ئاشتیانە زانێ.

ئاڵدار خەلیل ئزافە کردیە، لایەنەیلی کە باس لە موخالفەت لە چەک شیمیایی کەن، ئەڕا وەختیک کە لە عەفرین چەک شیمیایی وەکار هات و سەدان کوشتە و هەزاران زامار لە هێرشەگە وە جێ مەند بێ دەنگ بین.

هاوسەرۆک جمشت کومەڵگای دموکراتیک، تەڤدەم ئاڵدار خەلیل لە ئاخرا ئشارە وە ململانی روسیە و ئامریکا و ئالوزی هێزەیل هاپەیمانەیل ناودەوڵەتی و هێزەیل ترەک کە لە سوریەن وەتیە: ئامریکا، فەرانسە، بریتانیا و هاوپەیمانەیلیان ناتوان سوریە بکەفیدە دەس روسیە، ئێران و تورکیە، هەر کام لە لایەنەیل توان تاسیر ئجلاس لە باوەت سوریە لە ئاستان و ژنڤ کەم بکەنەو.

Leave A Reply

Your email address will not be published.