ڕێوار ئاودانان ڕەوش داخلی سوریە و دەخاڵەتەکان لەوە تاوتوی کردیە

20

ئەندام شەورای سەرۆکایەتی گشتی کۆنفدرالیزم کۆمەڵگایەیل کوردستان، کەجەکە رێوار ئاودانان لە گوفتگوێک وەگەرد سایت ڕەسمی پارت ژیان ئازاد کوردستان، پەژاک لە باوەت ڕەوش ئاڵوز سوریە جواو سوالەیلێک دایەسە و قەیرانەکان و دەخاڵەتەکان لە رەوش داخلی ئەو وڵات تاوتوی کردیە.

ئەندام شەورای سەرۆکاتی گشتی کەجەکە، ریوار ئاودانان لە جواو وە سوئالی لە باوەت دەلیل ئالوزی بەین ئامریکا و روسیە تا ئاستیگ کە ئامریکا چیەسە مەرحەلەی هێرش نزامی دژ وە رژیم سوریە وەتیە: پوتین وە دزین تورکیە لە ناتو، ئاڵوگور سەراسەری، ئێران جور وڵات ئەمنیەتی روسی و سفت کردن جێ پای خوەی لە وڵات نائەمن سوریە، تواید روژهەڵات ناوەراس بخەیدە ژیر کونترول خوەی، ترامپ وە ناوگان و مویشەک دەمشق کردیەسە ئامانج، کە شوون پەیوەندی هاوپەیمانی سێ لایەنەی ئێران، روسیە و تورکیەس، توای ئەی بازیە بشێونێ، ئستفادەی رژیم ئەسەد لە چەک شیمیایی وەیانکەس، لەی جور رەوشیگ ئەردوغان وە مەهارەتی کە دێرێ، قەوڵەگانی وە روسیە و ئێران لە هویر بردیە و چودە هاو شان ئامریکا وە یا ناو ئەو وە لیست دیکتاتورەیلیگ کە بایس لە روی زەوەی لا بچود، ئزافە بود.

ئاودانان ها سەر ئەو باوەڕە کە کۆبینەوەی ٣ لایەن حەسەن ڕوحانی، ولادمیر پوتین و ئەردۆگآن جوور کۆبینەوەیل وەرین لە ئاستانە و سوچی ئەڕا چارەسەر کردن قەیرانەکان سوریە بێ نەتیجە مەنێ. ئەردۆغان ئەو کۆبینەوەی ٣ لایەنە وەخاتر ڕێ خوەش کردن ئەڕا گرە دان ناوچەیل داگیرکریاگ سوریە وە خاک تورکیە ئەنجام دا.

ئەندام شەورای سەرۆکایەتی گشتی کەجەکە لە باوەت تێڕوانین ئێران لەو باوەتە وەتێە، هەرچەن کار وە دەسەیلە ئێرانی وە شێوەی وەردەوام ئەڕا پارێزین گشت خاک سوریە تەقالا کرد، بەڵام ڕوحانی لە وەرانوەر ئەردۆغان تەسلیم بی وە شێوەی کرداری ئەڕا خزمەت وە پلانەیل تورکیە کە کامڵەن وە زەرەر مەردم ئێرانە، پشتیوانی کرد.
ڕێوار ئاودانان ئشارە کردیە، بڕێک لە ڕەسانەیل ئێران هاوکاری وەگەرد تورکیە وسیان لە وەرانوەر جیایی‌خوازی ناو بردنە و وەتێە، وەیجورە لە ناو بردن کوردەیل لە عەفرین و جێگیر کردن چەتەکان ئەلقاعدە و داعشی و جیرەخوەررەیل ئەنجومەن نەتەوەیی کورد سوریە، ئەنەکەسە لە لایەن رژیم تورکیە وە ڕەوا زانستنە.

ئاوادانان لە باوەت قسەیل ئەردۆغان ڕوی وە پوتین ئەڕا ئەوەیکە حازر نیە عەفرین تاوەیل وە رژیم بەشار ئەسەد بیەی، وە پلان ئەردۆغان ئەڕا جیا کردن سوریە و خەتای ستراتژی ئیران و ڕوسیە زانێ و ویشێ، داگیرکاری تورکیە لە سوریە و عەراق وەیزوی ئێران لە تەنگاو قەرار دەی.

ئەندام شەورای گشتی کەجەکە لە جواو وە سوالێک لە باوەت زیای بین دەخاڵەتگەرەیل بێگانە لە باوەت سوریە وەتێە، وەکار هاوردن توانای ماڵی عەرەبستان سعودی و حزور وەرفراوان یەکیەتی ئروپا جوور فەرانسە و بریتانیا لە باوەت رەوش سوریە، بەشێک لە ستراتژی ئامریکاس کە لە لایەن ترامپ وەڕیوە بریەد. ئەوان هاتنەسە سەر ئەو باوەڕە کە ئەڕا لە ناو بردن ئێران و ڕوسیە و وە سەر ڕێ هاوردن تورکیە، ناچارن شەڕ و قەیران لە سوریە قویلتر بکەن.

ڕێوار ئاودانان سەربار ئشارە وە ئەوەیکە لە چارەسەر کریان قەیرانەکان روژهەڵات ناوەراس وەبێ لەوەرچەو گردن ڕوڵ کوردەیل چارەسەری غەیر ممکنە وەتێە، توان وە بومب فاشیسم و داگیرکاری خوەیوەڕیوبەری و ئازادی نەتەوەیل دموکراتیک لە ناو بوەن.

Leave A Reply

Your email address will not be published.