شوون کاسبی یەک باوەڕمەند بەهایی لە خوڕەمشەهر پۆڵم کریاس

34

فشار رژیم ئێران لە سەر کەمینەیل بەردەوامە و یەک باوەرمەند ئایین بەهایی شوون کەسب و کاری لە لایەن هێزەیل رژیم ئێران پۆڵم کریاس.

خەوەر رەسانی هەرانا ئیلان کردیە هێزەیل ئدارەی ئتڵاعات رژیم ئێران دوکان یەک کەس باوەرمەند ئایین بەهایی وە ناو نەعیم هائی لە مینوشار خورمشەهر لە رژ ٢٩ ڕەشەمەی ساڵ وەرین وە تومەت باوەرمەند بینێ وە ئایین بەهایی پۆڵمێ کردنە.

وە پای ئەو راپۆرتە: هێزەیل ئدارەی ئتلاعات خورەمشەهر وە زور مەدرەکەیل شناسایی نەعیم هائی و هاوژینەگەی زەفت کردنە، هەروەیجوورە وە ناوبریاگ وەتنە بایەد هەر چێ زویتر شوون نیشتەجێ بین خوەی بگوڕنێ و لە ئی شارە بچوود.

جێ وەتنە سەڕچاوەگە وەتیە، هێزەیل رژیم ئێران یەک روژ لە مەیان چنە ماڵ نەعیم هائی و لە ژێر فشار قەراریان نەن.

جی وەتنە ساڵانە دەیان کەس لە باوەرمەندەیل ئایین بەهایی وە خاتر باوەریان لە لایەن هێزەیل رژیم ئێران دەسگیر و سزای زندان وە سەریان داسەپیەد، تەنانەت شوون کار و کاسبییانیش پۆلم و لە دانشگایش دەر کریەن.

Leave A Reply

Your email address will not be published.