چەتەیل داعش دو ئاوایی لە ئوستان کەرکوک داگیر کردن

32

لە شوون ئەوەیگە هێزەیل تورکیە هێرش ئەڕا سەر هەرێم عەفرین دەسوەپێ کردن، چەتەیل داعش لە سوریە و عەراق جموجویلەیلیان فرەتر بیە و لە ئی چوار چوە دویەکە ئێوارە چەتەیل داعش دو ئاوایی لە دەوروەر کەرکوک داگیر کردنە.

سەرچاوەیل ناوچەیی ئیلان کردنە، دویەکە ئێوارە ئاوایەیل هەفت تەخار و ئاوافەخرو لە بەین شارسان داقوق و خورماتو لە لایەن چەتەیل داعش داگیر کریاس.

ئیلان کریاس، چەتەیل داعش لە بەلەنگو مەسجدیەیل وە خەڵک ئەو دوئاواییە وەتنە، ئەگەر وەگەردیان هاوکاری بکەن، توانن لە شوون زنەیی خوەیان بمێنن، بەڵام بێجگە ئیە بایەد لە ئاوایەگان بچنە دەیشت.

ئی ئقدام داعشە وە هەڵوێست خەڵک ئاوایەگان رویوەروی بینە و ئەوان ماڵ و میلکان خوەیان وە جێ هیشتنە.

Leave A Reply

Your email address will not be published.