پولیس ئاکەپە هاوسەرۆکەیل هەدەپە لە ناوچەی چایرۆڤای تورکیە دەسگیر کردیە

22

لە ئدامەی سیاسەت قڕ کردن سیاسی ئاکەپە دژ وە گەل کورد و گەلان ئازادیخواز، هاوسەرۆکەیل هەدەپە لە ناوچەی چایرۆڤای تورکیە دەسگیر و لە ستانبۆلیش سزای زندانی کردن داسەپانیەسە سەر چوار ئەندام هەدەپە.

شەوەکی ئیمڕوژ پۆلیس ئاکەپە لە ناوچەی چایرۆڤای ئوستان کوجالی تورکیە هێرش کردیەسە سەر ماڵەیل شاهسمایل تۆموجو و ئامینە کارائاسلان هاوسەرۆکەیل هەدەپەی ئی شارە و دەسگیریان کردنە.

هاووەختیش پۆلیس هێرش کردیەسە سەر دەفتەر هەدەپە لە ئی ناوچە و دەس کیشاسە سەر گشت بەڵگەیل ئەو دەفتەرە.

لە لایترەک دویەکە لە شار ئستانبۆڵ تورکیە دادگای ئاکەپە دەستور زندانی کردن چوار ئەندام هەدەپە ک لە روژ ٤ ئی مانگە لە ناوجەی ئاڤجیلار لە ئستانبۆڵ دەسگیر کریاوین، دەر کردیە.

دادگای ئاکەپە وە تومەت تەبلیغات ئەڕا رێکخستن قەیەخە کریاگ” سزای زندان وە سەر ئی چوار کەسە داسەپانیە و ئەوەکانترەک وە دانایین گەرەو ئازاد کریانە.

لە ناو ئەو چوار کەسە، بەرپرس هەدەپەی ئاڤجیلار هەس.

ئیە لە وەختێکەس ک لە ناو دو ساڵ وەرین هەتا ئیسە فرەتر لە ١٠ هەزار ئەندام، بەرپرس هەدەپە و پارتەکوردیەگان لە باکوور کوردستان و تورکیە دەسگیر کریانە.

Leave A Reply

Your email address will not be published.