لە پیرانشار یەک کۆڵبەر لە بەرزایی کەفتێەسە خوار و زامار بیە

11

لە ئدامەی هێرش و فسارەگان رژیم ئێران لەسەر کۆڵبەرەیل کورد، یەک کۆڵبەر لە ئەنجام راونانێ لە لایەن هێزەیل رژیم ئێران زامار بیە.

شەبەکەی حقوق بەشەر کوردستان ئیلان کردیە، روژ ٢٠ خاکەلێوە، ژمارێگ لە کۆڵبەرەیل کورد لە بەرزایەگان مەرز کانی خودا سەر وە شارسان پیرانشار، لە لایەن هێزەیل رژیم ئێران راو نریانە.

ئەو سەرچاوە ئیلان کردیە، لە ئەنجام ئی راونانە یەک کۆڵبەر لە کویە کەفتیەسە خوار و زامار بیە.

شەبەکەی حقوق بەشەر کوردستان ناسنامەی کۆڵبەر زامار عەلی گوڵچینی خەڵک ئاوایی کەڵەکین ئیلان کردیە.

سیاسەت فەقیر هیشتن و لە ژیر فشار قەرار دایین خەڵک روژهەلات کوردستان، نەوین کار و سیاسەت ناوەند گەرایی لە لایەن رژیم ئیران، خەڵک ناوچەیل مەرزی مەجبوور کەید روی بارنە کار کٶڵبەری و کاسبکاری، کە سەربار ئەوانە سالانە لە ئاکام هێرش هێزەیل رژیم ئێران دەیان کۆلبەر و کاسبکار کورد تویش تەڵەفات گیانی و ماڵی بوون.

Leave A Reply

Your email address will not be published.