کۆنگرەیی نەتەوەیی کورد دیدارەکان هەیئەتەکەی هەدەپە لە باشوور کوردستان هێمان بەردەوامە

11

دویەکە ئێوارە هەیئەت پارت دموکراتیک گەلان هەدەپە ک پێکهاتیە لە هاوسەرۆک هەدەپە پەروین بۆڵدان و پارلمانتارەیل هەدەپە فەلەکناز ئۆجا، عوسمان بایدەمیر، ئیمام تاشچیئەر، بەردان ئوزتورک و دیلەک ئۆجەلان، لە ئدامەی سەردانەگانیان ئەڕا لای پارت و لایەنەیل سیاسی باشوور کوردستان، سەردان دەفتەر ئەسلی جمشت ئازادی کۆمەڵگای کوردستان لە سلێمانی کردنە و لە لایەن هاوسەرۆک جمشت ئازادی محەمەد عەبدوڵا و قسەکەر و جێگر هاوسەرۆکەیل جمشت ئازادی تارا حوسەین و جەن ئەندام ترەک پێشوازی وە لێیان کریا.

لە شوون کۆبینەوەگە قسەکەر جمشت ئازادی تارا حوسەین و ئەندام هەدەپە بەردان ئوزتورک لە کۆنگرەی روژنامەوانی قسە کردنە.

بەردان ئوزتورک وەتیە: داگیر کەرەیل کوردستان وە گشت شیوەیگ تەقالای ئەوە کەن کورد بەش بکەن و ئختلاف بخەنە ناو بەشەیل کوردستان، وە ئەو خاترە ئیمە بایەد لە موشکلەگان گوزەر بکەیم و وە بەستن کۆنگرەی نەتەوەیی جواو دوژمنەیل بیەیموە.

لە شوونێ قسەکەر جمشت ئازادی تارا حوسەین وە ئشارە وە هاو نەزەر بینوە گەرد هەیئەتەگەی هەدەپە، وەتیە: جمشت ئازادی ئامادەس ئەڕا بەستن کۆنگرەی نەتەوەیی و جێ وە جێ کردن ئەو ئەرکە ئەڕا ئەو مەبەستە کەفێتە سەرشانمان.

تارا حوسەین تەقالای گشت کلایەنەگان ئەڕا یەکیەتی نەتەوەیی و هەنگاو هەڵگردن ئەڕا رێکخستن کۆنگرەی نەتەوەیی فرە وە موهم زانستیە.

هەروەیجوورە هەیئەتەگەی هەدەپە سەردان ناوەند ئەسلی گوران لە سلێمانی کردنە و لە لایەن چەن ئەندام جمشت گوران پێشوازی وەلێیان کریا.

لە شوون کۆبینەوەی جمشت ئازادی و گوران ئەندام هەدەپە بەردان ئوزتورک لە قسەیلێگ وەتیە: ئاماج سەردانەگەی ئیمە ئەڕا لای لایەنەگان پێکهاوردن یەکیەتی نەتەوەییە، وە تەمایم لە سەر ئاست قانجازەیل گشتی کوردستان، لایەنەگان نزیک یەک بنوە.

لە لایترەک هەیئەت هەدەپە سەردان مەکتەب سیاسی یەکیەتی کردیە و هەر دو لایەن لە ئاخر کۆبینەوەگە لە کونفرانسێگ روژنامەوانی ئیلان کردن، لە سەر یەکیەتی نەتەوەیی و لە یەک نزیک بین لایەنەگان گوفتگو کردیمە.

جێ وەتنە هەیئەتێگ لە هەدەپە ماوەی چوار روژە هاتنەسە باشوور کوردستان و وە مەبەست پێک هاوردن یەکیەتی نەتەوەیی، وەگەرد زورم پارت و لایەنەگان باشوور کوردستان دیدار ئەنجام دانە و ئیمڕوژیش بەردەوام بیە.

Leave A Reply

Your email address will not be published.