هەیئەتێک لە کەنەکە چیە شنگال و وەگەرد کار وەدەسەیل ئەو ناوچە دیدار کردن

16

هەیئەتێگ لە کەنەکە ک پێکهاتیە لە نمایەندەیل هەر یەک لە حزب شیوعی کوردستان، جمشت ئازادی کومەڵگای کوردستان، حزب زەحمەتکیشەیل کوردستان، بەرەی دموکراسی گەل، ئەنجومەن گەل کەمپ پەنابەرەیل شەهید روستەم جودی و پێشمەرگەیل قەدیمی سەردان شنگال کردنە و لەلایەن نمایەندەیل پادێ، تاژێ، وەڕێوبەری یەبەشە، وەرێوبەری ئەنجومەن خوەێوەڕێوبەری دموکراتیک شەنگال و دەستەی وەڕێوبەری شەنگال پێشوازی وەلێان کریا.

لە قسەیلیگ شوکروڵا حەمەئەمین ئەندام کەنەکە وەت: ئیمە هەڕەشەگان ئەردوغان و دەوڵەت تورکیە ئەڕا سەر شەنگال جور هەڕەشە ئەڕا سەر گشت باشوور کوردستان دوینیمن، وەی خاترە ناود ئجازە بیەیم ئەو پلانە کە تورکیە لە کەرکوک دەس وە پێکرد و لە عەفرین درێژە وە پی دا، شەنگالیش بگریدە وەر.

لە شوون ئەوەیگە دویەکە هەیئەتەگە سەردان وەڕێوەبەری خوەیوەڕێوەبەری دموکراتیک شنگال، یەکینەیل پاوەگەزدان شنگال یەبەشە و یەکینەیل ژنەیل شنگال یەژەشە کردیە، ئیمڕوژ دەسپێگ سەردان ناوەند ئاسایش ئێزدخان لە شار سنون کرد و وەگەرد بەرپرسەیل ئاسایش و پۆلیس ئێزدخان کۆبینەوە ئەنجام دانە.l

لە کۆبینەوەگە هەیئەت کەنەکە ئشارە کردیەسە ئەوە ک شنگال هەنگاو فرە خاسێک لا باوەت خوەی وەڕێ خستن و رێكخستن دەمو دەزگایەیل ئداری و ئەمنیەتیەگان ئەنجام داس و ستایش رۆڵ هێزەگان خوەیوەڕێوەبەری شنگال کردن لە وەرانوەر هێڕشەگان سەر شنگال.

هەروەیجوورە بەرپرسەیل ئاسایش ئێزدخان، سەربار وە خەیر هاتن هەیئەتەگە، فرە وە ئەرزش زانستنە کە کورد لە وەرانوەر هێرش و داگیرکاری یەک هەڵوێست و یەک دەنگ بن.

لە شوون هەیئەتەگەی کەنەکە خدیدە چوکی وەڕێوەبەر شارەک سنون کردنە و لە شوونێ رەوش مەررزەگەیان تاوتوی کردنە.

لە باوەت هەڕەشەگان دەولەت تورکیە ئەڕا هێرش سەر شنگال، وەڕێوەبەر شارەک سنون ئیلان کردیە: ئەگەر هێز تورکیە نزیک شنگال بوودوە، ئەوە حکومەت عەراقیش بێ دەنگ ناود و هەڵوێست نیشان دەید.

Leave A Reply

Your email address will not be published.