وە خاتر تەقین مین چنیاگ تورکیە لە مەرز فرەتر لە چوار مناڵ بینەسە قوروانی

10

وە خاتر تەقین مین وە کارنریاگ لە لایەن رژیم تورکیە، سێ مناڵ گیانێ لە دەس داس و ژمارێ ترەک زامار بیە.

ناوەند خەوەررەسانی و چاپەمەنی یەکینەیل پارێزین گەل یەپەگە وەتیە: ئیمڕوژ شەوەکی لە دەوروەر تەپەی شەهید هوگر لە بەین ئاوایی ئاشمێ و چارقلێ روژاوای کانتۆن کۆبانی، مینێگ ک ئەرتش داگیر کەر تورکیە وە کارێ ناس تەقیە.

لە بەیانیەگەی یەپەگە هەمیش هاتیە: لە ئەنجاما سێ مناڵ وە ناوەیل شێخ ئسمائیل ٩ ساڵە، ئبراهیم ئەلۆ و یەک مناڵ ترەک ک ناسنامەی نەزانریاس گیانیان لە دەس دانە

هەروەیجوورە لە ئەنجام تەقین ئەو مینە، مناڵێگ ترەک وە ناو “باسل شێخ”، ئومر ١٤ ساڵ وە سەختی زامار بیە و ئیسە لە نەخوەشخانەی ئەمەل شار کۆبانێ لە ژێر چەودێرێ پزشکیە.

هەر چوار مناڵەگە لە وەخت لەوەرانن پەس و پۆلەگانیان مین تەقیەسە پێیان.

جێ وەتنە تەپەی شەهید هوگر لە مەرز روژاوا و باکوور کوردستان جێ گردیە.

Leave A Reply

Your email address will not be published.