یەک کۆڵبەر مەریوانی لە شوون ٦ روژ کەفتنەخوار لە بەرزایی، هێمان ڕەوشێ خراوە

89

قەیرانەیل ئقتسادی و نەوین کار و کاسبی بیەسە هوکار ئەوەیکە خەڵک لە روژهەڵات کوردستان وەخاتر پەیا کردن بژێوی ژیان خوەیان و خانەوادەکانیان، لە گیان خوەیان گوزەشت بکەن.

یەک کۆڵبەر کورد خەڵک شارسان مەریوان روژهەڵات کوردستان لە شوون ٦ روژ لە زاماری هێمان رەوشێک خراو تەندرستی قەرار و گردیە و تا ئێسە هالە ژێر چەودێری پزشکا.

خەڵک روژهەڵات کوردستان وەخاتر فشارەیل ئقتسادی وەخاتر دەر هاوردن بژێوی ژیان خوەیان و خانەوادەکانیان لە ڕوی ناچاری روی تێرنە کار پڕ خەتەر کۆڵبەری لە سەر مەرزەکان کوردستان.

کۆڵبەرەیل کورد لە فەسڵ زمسان ڕوی وە روی خەتەر ڕویداوەیل سروشتی جوور هەرەس وەفر و گیر کردن لە ناو وەفر، کەفتنە خوار لە بەرزایی و هاووەخت هێرش هێزەیل رژیم ئێران بوون. و لە فەسڵ تاوسان وەخاتر گەرمی ئاو هەوا و هێرشەیل وەردەوام هێزەیل رژیم ئێران هەر لەزحزە گیانیان هالە خەتەر.

شەبەکەی حقوق بەشەر کوردستان خەوەرێک ئێلان کردیە، یەک کۆڵبەر کورد وە ناو “فەرهاد دەستور” خەڵک شارسان مەریوان کە روژ یەکشەممە ٢٤ بەفرانبار ئیمساڵ لە ملەی تەتە لە ناوچەی هەورامان لە بەرزایی کەفتێەسە خوار هێمان ڕەوش تەندروستیێ خراوە و هالە ژێر چەودێر پزشکا.

جێ وەتنە، فەرهاد دەستور” خێزاندار و خاون ٢ مناڵەیل.

هەر وەیجورە روژ ٢٨ بەفرانباریش یەک کۆڵبەر ترەک کورد وە ناو “شوڕش عومەری” خەڵک مەهاباد لە بەرزایەکان ناوچەی سەردەشت وەخاتر ڕاونانێ لە لایەن هێزەیل رژیم ئێران لە بەرزایی کەفتێە خوار و گیانێ لە دەس دایە.

جی وەتنە، لە مانگ خەرمانان ئیمساڵ هەتاوی یەک مناڵ ١٣ ساڵە شوڕش عومەری وە ناو “سوزان عومەری” کە وەخاتر نەیاری لە کویرەی ئاخڕپەزی کار کردوی، وەخاتر تەقینەوەی کەپسول گاز گیانێ لە دەس دا.

هێرش و زەخت و فشارەکان سەر کۆڵبەرەیل کورد لە حاڵێکاس کە خەڵک روژهەڵات کورستان وەخاتر بێ‌کاری و قەیرانەیل ئقتسادی، لە ڕوی ناچاری دەس تێرنە کار کۆڵبەری لە سەر مەرزەکان و لە ئەنجاما فرە جار لە لایەن هێزەیل رژیم ئێران تویش تەڵەفات گیانی و ماڵی بوون.

Leave A Reply

Your email address will not be published.