چەودێر سیاسی، نەجیبە عومەر : ساکینە جانسز پێشەنگ تێکوشان ئازادی ژنەیل بی

73

چەودێر سیاسی ژن نەجیبە عومەر وەتیە: ساکینە جانسز جوور کەسایەتیک پیشەنگ لە ساڵ ١٩٧٠ تێکوشان دەس وە پی کرد و وەتێکوشان و تەقالایەل خوەی توانست رویوەروی ناموس پەرەستی و جنسیەت گەرایی بوسیەید و جواو دروس حەساویگ بیەیدە کونەپەرەستی.

نەجیبە عومەر هەمیش وەت: ساکینە جانسز جێ خوەی لە دامەزرانن پەکەکە و شوڕش گردیە، لەو وەختە تەقەلا کردیە ئو زهنیەتە لە ناو بوەد کە ژنەیل جور هێز یەدەکی پیاگ تماشا ئەکرد، ، و هەر گامێگ ناگە وە سەر ئەسا ئیدئولوژی و فکری بی.

نەجیبە لە ئدامە وەتێە: ساکینە جانسز لە ئەول تێکوشانێ لە ناو کارگەر و زەحمەت کیشەیل بیە ، ئەو دەرد و رەنجەیلێکە ژنەیل لە ناو کومەڵگا کیشانەسێ لە خوەی حسێ کردێە.

نەجیبە عومەر باس لە ئەویش کردێە: ساکینە جانسز خاوەن کەسایەتیگ بی کە لە فکر و فەلسفەی ئرادەیگ وە هێز گردوی، لە تێکوشان چەکداری و لە گام یەکەم دامەزرانن هێز پاڕێزین ژنەیل رول وەرچەو داشت، لە هەر چوار بەش کوردستان کار و خەبات بێ وچان کردیا، وەتیا ژنەیل لە باشوور کوردستان توانن جور لەیلا قاسم و عایشە گوڵ و مارگرێت پێشەنگی بکەن.

نەجیبە لە باوەت فیدان دۆغان و لەیلا شایلەمەز وەتێە: هەڤاڵ فیدان جور کەسایەتیگ سیاستمدار و دیپلوماتکاریک وە هێز کورد لە مەیدان ئروپا خەبات کردیا و لە وەرانوەر سەرمایەداری کە ئرادەی ژن قەبول نەیاشت رادیکال و وە هێز بی، هەویجورە لەیلا شایلەمەز جور دویەت جوان کورد وە ئرادەیگ جوانانە لە کار و چالاکی بەردەوام بیە.

جێ وەتنە، روژ ٩ ژانویەی سال ٢٠١٣ لە شار پاریس پایتەخت وڵات فەرانسە ٣ ژن تێکوشەر کورد وە ناوەیل ساکینە جانسز، فیدان دۆغان و لەیلا شایلەمەز ترور کریان و دویاتر ئومەر گوینای جوور تومەتبار ئەو ترورە دەسگیر و دویاتر وە شێوەیک گوماناوی لە زندان فەرانسە مرد.

Leave A Reply

Your email address will not be published.