مەزلوم هەفتەن: یەکگردیێ گەلان ئێران پەیامێکە ئەڕا لایەنەگان روژهەڵات کوردستان

94

بەرپرس پەیوەندیەگان کۆدار مەزلوم هەفتەن وەتیە: لە ئەنجام سیاسەتەیل رژیم ئێران، بێکاری، فەقیری، نەوین ئازادی و پایماڵ کریان ماف بەشەر روژ لە شوون روژ وەرفراوانتر بوود، وە ئەو خاترە خەڵک ئێران تاقەتیان تەمام بیە.

مەزڵوم هەفتەن ئیلان کردیە: لە روژهەڵات ناوەراس جمشتێک تازە هاتیەسە ئارا ک وە بەهار عەرەبی دەسوەپێ کرد، ئەو جمشتە دەسکەفتەیلێگ داشت، هەر لە تونس تا باشوور ئافریقا، ئەوەیکە لە ئێران هاتیەسە ئارا هاوشیوەی ئەو جمشتەسە کە وە بەهار گەلان ناسیاگ بی، چویکە دەسەڵاتدارەیل ئێرانیش هاوشیوەی دەسەڵاتە دیکتاتورە لە ناو چیەگان ناوچەگەس.

ناوبریاگ لە باوەت سیاسەت دەیشت کۆمار ئسلامی ئێران وەتیە: ئێران لە روژهەڵات ناوەراس بازیگەر رویداوەکانە، دەخەلەت کەی لە موشکلە سیاسیەکان ناوچەگە، جوور لۆبنان، سوریە و وڵاتەیل ترەک، بەلام بازیگەرێگە ک لایەنگر گەلان ناوچەگە نیە، بەڵکۆ لایەنگر دەسەڵاتە دیکتاتورەگانە، ئەگەر رژیم ئێران بەردەوام بوود لە سەر ئەو زهنیەتە، ئەوە بایەد ئەو بزانێ ک ئرادەی خەڵک لە سەرێ سەرکەفێ.

مەزلوم هەفتەن ئشارە کردیەسە یەکیەتی خوەینیشاندەرەیل و وەتیە: ئەو کارێکە خەڵک ئەنجامێ دەن جێ قەیرزانیە، ئەوانەیکە گیانیان لە دەس دانە شەهید رێ ئازادین، هێوای خاس بین ئەڕا زامارەیل خوازیم، وە ئومێد ئەوەیکە خەڵک ئێران یەک گردێ بوود، چویکە موشکلەگان هاوبەشن و یەک دوژمن هاوبەش دێرن، دورسە خوەینیشاندەرەیل لە نەتەوە و ئایینەیل جیاوازن، بەڵام ئاماجیان یەکێکە و بایەد یەک گردێ بن.

بەرپرس پەیوەندیەیل کۆدار ئەوەیشە وەتیە: ئەگەر کەس وە یا ک گروپێک بتوای سەرهەڵدانەگان بەش بەش بکەی یا ک بکەنەی موڵک لایەنێک، ئەوە زەرەر وە خەڵک و ئاماج سەرهەڵدانەگان رەسنێ، چویکە ئەو سەرهەڵدانە، سەرهەڵدان گشت گەلانە.

لە ئاخر قسەکانێ بەرپرس پەیوەندیەگان کۆمەڵگای دموکراتیک و ئازاد رژهەڵات کوردستان کۆدار مەزلوم هەفتەن وەتیە: ئیمە پشتگیری گەلان روژهەڵات کوردستان و ئێران کەیم و هایمنە سەر ئەو باەوەرە خەڵک خوەی خوەی وەڕێوە بوەید، وەگەرد وە یەکوە زنەیی کردن گەلان، وە ئەوخاتەرە لازمە ئیمە بیمنە بەرەیک دموکراتیک و ئازاد، ئەڕا ئەوەیکە وەگەرد یەک دژ وە کۆمار ئسلامی ئێران خەبات بکەیم و خەڵک روژهەڵات و گشت گەلان ئێران رزگار بکەیم.

Leave A Reply

Your email address will not be published.