پارتەگان لە جیایەتی تاوانبار کردن خەڵک بایەد خوەیان دورس بکەن

67

هاوسەرۆک کەجەکە جەمیل بایک لە باوەت باشوور کوردستان وەتیە: رەوش ئیسەی باشوور کوردستان ئەنجام ئەو سیاسەتەیلەسە کە وە ساڵانە لە ئەوردا وەڕێوە چوود، ئەو سیاسەتە نەتەنیا ئەرا گەل کورد قانجاز نەیاشت، بەڵکو زیانیش داشت، بەڵام خەڵک دوینن، لە شوون شکەست خواردن رفراندۆم هەر ئەو سیاستە بەردەوام کەن، هویچ گوڕانکاریک لە ئەو سیاسەتە ئەنجام نەیریاس، سیاسەتێک کە بیە دەلیل لە ناو چین بەش فرەیگ لە دەسکەفتەیل گەل کورد.

هاوسەرۆک کەجەکە هەمیش وەتیە: خەڵک دی ئەو سیاسەتە قەبول ناکەی و نارەزایەتی نیشان دەن، پارتە سیاسیەگان لە جیایەتی ئەوەیکە خەڵک تاوانبار بکەن بایەد خوەیان دورس بکەن، ئی رەوشە ئاکام سیاسەت ئەوانە، ئەو سیاسەتە رێ ئەڕا موشکل ئقتسادی، سیاسی، کۆمەڵایەتی و سەربازی واز کردیە، پارتە دەسەڵاتدارەگان بایەد دموکراتیزە بین وە ئەساس بگرن، بایەد موشکلەگان وە گوفتگو وەگەرد عکومەت عەراق چارەسەر بکەن.ناوبریاگ لە بەشێ ترەک لە قسەکانی وەتیە: وەڕیوە بەری سیاسی باشوور و روژاوای کوردستان لە یەک جیان، لە باشوور کوردستان سیاسەت دەوڵەت نەتەوە وە ئەساس گریەد، لە روژاوا نەتەوەی دموکراتیک، ئەوانە دو خەت فرە جیاوازن لە یەکتر.

هاوسەرۆک کەجەکە جەمیل بایک هەر لە ئی بارە هەمیش وەتیە: روژاوای کوردستان خەت نەتەوەی دموکراتیک گردیەسە وەر و لە ئەو خەتە سەکەفتن وە دەس تێرێ، بەرعەکس لە باشوور کوردستان سیاسەت دەوڵەت نەتەوە وەڕێوە چوود و شکەست خوەی، فرەیش ئاشکارە کە سیاسەت دەوڵەت نەتەوە چە وە سەر باشوور کوردستان تێرێ، ئەو سیاسەتە ئەڕا گەل کورد قانجاز نەیرێ ، کورد تەنیا لە رێ نەتەوەی دموکراتیک توانێ خوەێ پێش بخەی، لە رێ برایەتی و زنەیی هاوبەش وەگەرد گەلان ترەک، وە ئی شیوە توانیەد پارچە بین لە سەر رێ لا بوریەد.

هەرویجورە هاوسەرۆک ترەک کەجەکە بەسێ خوزات ئیلان کردیە: ئەو بەرنامە و پلانەیلێگە کە لە ناو ساڵ ٢٠١٧ داشتیم زوورمێ وە سەرکەفتنێ ئەنجام گرد بەڵام لە باکوور کوردستان و تورکیە کەمێک کز بی.

هاوسەرۆک کەجەکە هەمیش وەتیە: گەل کورد لە دموکراتیزە کردن هەرێم رۆڵ وەرچەوێگ داشتنە، وە رزگار کریان رەقە فاشیزم داعش لە ناو چی و ئاکەپەیش وە شکەست داعش شکەست خوارد.

هاوسەرۆک کەجەکە بەسێ خۆزات لە باوەت باشوور کوردستان وەتیە: باشوور کورتدستان ئیسە کەفتیەسە ناو قەیران و ئاڵۆزێک گەورا، خەتەر فرە گەورایک لە سەر رێ خەڵک هەس، زهنیەت نەتەوەپەرەستی رەوش باشوور کوردستان خستیەسە خەتەر، ماوەی ٤٠ ساڵو وە تایوەت لە ناو شرش ساڵ وەرین، سیاسەت ئازادی پارێزی و دموکراتیک دژ وە نەتەوەپەرەستی لە کوردستان هاتیەسە ئارا و سەرکەفتیە.

Leave A Reply

Your email address will not be published.