مەسەدە ئامادەس ئەڕا هەرجوورە کۆبینەوە وە خاتر چارەسەری ئاڵۆزیەگان

58

هاوسەرۆک مەجلس سوریە دموکراتیک لە باوەت دەخالەت و رێککەفتنەیل ئێران، سوریە و روسیە لە سەر سوریە وەتیە: کۆبینەوەیل ئاساتنا رێخوەشکەر بی ئەڕا دەخالەتەیل هێزەیل خارجی جوور ئێران، روسیە و تورکیە لە ناو رەوش داخلی سوریەم بەشێک لە خاک سوریە لە شوون دانیشتن ئاستانە کەفتە دەس ئەو هێزەیلە، گەوراتەرین دەخالەت تورکیە ئەنجامێ دا لە مەرزەگان کانتۆن شەهبا و عەفرین.

ناوبریاگ هەمیش وەتیە: ئەو رێککەفتنە لە بەین روسیە، ئێران و تورکیە وە پای قانجازەیل خوەیان رێککەفتن، هویچ قانجاز گەلان سوریە لە ناو ئەو رێککەفتنە لە وەرچەو نەگریا، وە ئەو خاترە ئەنجام ئەو رێكکەفتنە تاسیر مەنفی لە سەر زنەیی گەلان سوریە دانەی.

ئلهام ئەحمەد لە باوەت پلانەکان سوریەی دموکراتیک ئەرا چارەسەری ئاڵۆزیەگان سوریە وەتیە: مەجلس سوریەی دموکراتیک لە شوون رزفار کردن تەبقە و رەقە دەس کردەس دامەزراندن ئەنجومەنەیل مەدەنی ئەو شارەیلە ئەڕا وەڕێوە بردن شارەگە، هەروەیجورە پێشوەخت مەجلس مەدەنی دێرەزوریش دامەزراندیە، ک پێکهاتیە لە خەڵک ئەو شارەیلە و ناوجەیل دەورووەری.

هاوسەرۆک مەسەدە وەتیە: لە بەردەوامی کارەکانمان پرۆژری فدرالی وە ئەساس گریم، ئەو پرۆژرە توانێ موشکل گشت گەلان سوریە چارەسەر بکەی، تەقالایەیل فرەیگ ئەنجام دایمنە گوفتگو بکەیم وە گەرد هێزە ناوچەیی و ناودەوڵەتیەگان.

هاوسەرۆک مەجلس سوریەی دموکراتیک مەسەدە ئلهام ئەحمەد هەمیش وەتیە: ساڵ بانان بوودە ساڵ کوتایی هاتن شەڕ، بوودە ساڵێک ئەڕا پێشکەفتن کۆبینەوە دموکراتیکەگان، پارێزین سوریە ئەرک گشت گەلان سوریەس، گشت تەقالامان پێکهاوردن سیستمێک غەیر مەرکەزی و دموکراتیکە، لە سەر ئەو ئەساسیشە داوا لە گشت هێزەگان کەیم کە مەجلس سوریەی دموکرتیک ئامادەس ئەڕا کۆبینەوە و گوفتگو ئەڕا چارەسەری ئاڵوزیەگان سوریە.

Leave A Reply

Your email address will not be published.