خامنەیی لە قسەیلێک رخنەی تون لە ئەحمەدی نژاد گرد

86

مەحمود ئەحمەدی نژاد لە ئدامەی هێرشەیلێ ئەڕا سەر قوەی قەزاییە، روژ دوشەمە وە بڵاو کردن بابەتێک، دەیان ئێراد رەفتاری و ساختاری لە ئەو قوە گرد و نویسا کە لە ناو ٤٠ ساڵ وەرین، وە دەلیلەیلێگ لە رخنە دویر بیە.

سەرۆک کۆمار وەرین ئێران لە شوون ئەوەیکە معاونەیلێ وە تومەت فساد چریانە دادگا دەس کردە رخنە کردن و هێرش.

ئەعمەدی نژاد سادق لاریجانی سەرۆک قوەی قەزاییە وە ستەمگەر ناو برد و لاریجانیش ئەو وە فتنەگەر.

ئی هێرس و دەرگیریەیلە ئەو قەرە ئدامە داشت کە عەلی خامنەیی مەجبور بی قسە بکەی.

خامنەیی وە بێ ئەوەیکە ناوێک وە ئەحمەدی نژاد بوەید، لە قسەیلێک وەتیە: کەسەیلێک کە گشت ئمکاناتەیل وڵات وە دەسیان بیە ماف ئەوە نەیرین نەقش موخالف بازی بکەن.

ناوبریاگ لە دیدار وەگەرد ئەندامەیل شەورای هەماهەنگی تەبلیقات ئسلامی، بیە پشتیوان سادق لاریجانی و وەت: ئەی کەسەیلە کە وڵات لە ئختیاریان هەس یا بیە دی حەق نەیرن دژ وە وڵات قسە بکەن، ئەیانە بایەد جواوگو بون، کەسەیلیگ کە کار دوشمنەیل لە داخل وڵات ئەنجام دەن جێ باوەر نیەن، ئەیانە دینیان سیاسیە.

ئەحمەدی نژاد لە نامەیگ داوا لە خامنەیی کردوی کە لە وەرانوەر زولم و ناعەدالەتی قوەی قەزاییە لە ئەوان دفا بکەید.

خامنەیی کە جواو نامەگەی ئەحمەدی نژاد نەیاوی وەت: ئەوەیکە بی دەلیل ئەی قوە و ئەو قوە مەحکوم بکەیم هونەر نیە، هونەر ئەوەسە ئنسان مەنتقی و ئنسافانە قسە بکەید و ئەرا قودرەت قسە نەکەید، ناود کە یەک ئنسان دە ساڵ گشت کارەی دەوڵەت بود و لە شونی بودە موخالف وڵات.

لە شوون قسەیل خامنەییە هەتا ئیسە ئەحمەدی نژاد هویچ هەلویستیگ نیشان نەیاس و ئایا توانید جارێ ترەک قوەی قەزاییە وە دیکتاتور ناو بوەید.

Leave A Reply

Your email address will not be published.