ساڵڕوژ کۆمەڵکوشی پاریس

58

لە سەروبن پەنجمین ساڵروژ ترور کردن ” سەکینە جانسز، فیدان دوغان و لەیلا شایلەمەز” گەل کورد و ئازادیخوازەیل لە پاریس و شار و ناوەندە جیاوازەگان جەهان تیەنە خەیاوان و داوای سزا داین تاوانبارەیل ئەو ترورە و هاتن دەنگ فەرانسە و رای گشتی ناودەولەتیەگان, کریەد.

لەو چوار چوە کومیتەی ئامادەکاری چالاکیەگان کە پێک هاتیە لە نمایەندەیل ڕێکخراوە کوردیەگان و کومیتەی پشتیوانی لە کوردستان، داوا لە ڕای گشتی و گەل کورد کەید بانە خیاوان و چالاکیەگان وە هێز ترەو بکەن.

ئیلان کریاس کە ئمسال یەک هەفتە وەرجە ساڵروژ ترور سێ ژن شوڕشگەر کورد، چالاکیەگان دەس وە پی کەن و روژ ٥ مانگ بانان وە کونفراس خەوەریگ وە دویاچوین و مینەوانیەگان لە باوەت تاوانبارەیل ئەو ترورە، روژ ٩ مانگ ناوەند ئاگاهی و دیپلوماسی کورد، لە ئەو شوونە کە سێ ژن شوڕشگەر کورد ترور کریان، وە شیوەی قانونی لە گردبینەوەیگ مینەوانی خوەیان ئیلان کەن.

لە لای ترەک هەر لەی باوەتە دانشجوەیل کوردشناسی دانشگای پاریس فەرانسە بانگە وازی کردنە لە روژ ٦ مانگ بانان گەل کورد و ئازادی خوازەیل ئەڕا شەرمەزار کردن ئەو ترورە لە شار پاریس چالاکی وەڕێوە چوود و بەشدار چالاکیەگەیان بن.

هەوەیجورە ئاژانس خەوەری فورات، مەدرەکیگ خستیەسە دەیشت کە باس لە ئەوە کەید یەکیک لە ئەندامەیل پایە بەرز میت تورکیە لە دارشانن ئەی ترورە دەس داشتیە.

مەدرکەگە یەک فایل دەنگە کە دەنگ کەسیگ وە نازناو ئوزان کە ئەندام کوبینەوەیل دەولەت تورکیە وەگەرد بەرپرسەیل پەکەکە لە ساڵ ٢٠١٢ لە ئۆسلو ئەنجام گرد ها ناوی.

دەنگ ئوزان لە ناو موبایلەگەی عومەر گونای بیە کە سێ ترورەگە ئەنجام داس و لە زندان پاریس وەرجە ئەویکە دادگایی بکریەد وە شیوەیگ نادیار مرد و ئیلان کریا کە خوەی کوشتیە.

Leave A Reply

Your email address will not be published.