ئەندام مەجلس پەژاک: ئازادی و دموکراسی لە ئێران وە پێکهاتن بەرەیگ دموکراسی خواز زمانەت بوود

72

ئەندام مەجلس پەژاک ئامەد شاهۆ لە دەسپێک مەقالەگەی وەتیە: ئێران یەکیکە لە دەولەت نەتەوەگان ناوچەگە ک وە قویلکردن قەیران و وەرفراونتر ئاڵۆزی، هەژمونی خوەی لە ناوچەگە داسەپینێد، ئەڕا پارێزین شوون و لون و هەژمونی شیعەگەری وە گشت هێزیوە هاوکاری ترور لە ناوچەگە کەی کە ئی کارەیلە بیسە خەتەریک ئەڕا سەر قانجاز گەلان ناوجەگە و قانجاز ئامریکا و هاوپەیمانەیلێ. ئیسە ئێران گەوراتەرین کارگەردان ترۆرە لە ناوچەگە.

ئەندام مەجلس پەژاک لە ئدامەی مەقالەی ئشارە کردیەسە ئەوە کە وە خاتر فشارەگان، ئێران سێ رێ لە وەر خوەی دوینێ یا لە گشت ئەو وڵاتەیلە کە خاون رۆل و هێز تایوەتە بکێشێدە دویا یا کە رویوەروی سزای تازە و سەرهەڵدان گەلان ئێران بوود کە ئەویش بانانێک نادیار جوور عەراق و سوریە وە لێ تێدە ئارا. رێ سێمیش ئەوەەسە کە لە داخل ئێران تەقالا ئەڕا گوڕانکاری بنەوایی لە پێناو دموکراتیزە کردن ئێران هەڵ بگریەد، تەنیا، ئنتخاب دموکراتیک و ئاشتیخوازانەس ک توانێ رژیم لە قەیرانەیل رزگار بکەی.

ئامەد شاهۆ لە بەشێ ترەک لە مەقاڵەگەی نویساس: ئامریکا وە ئیلان پێکهاوردن بەرەیک دژ وە ئێران، نەخشە رێک تازە هادەسێ ئەڕا دەخالەت لە ئێران، ئەگەر ئامریکا قانجاز گەلان ئێران وە ئەساس بگرێ و لە بازی سیاسی ئێران ئەهمیەت وە شوون و لوون هیزەیل دموکراسی خواز بیەد و لە سوریە و روژاوای کوردستان دەرس وەربگرێ سیاسەتێک تازەی جدی و وە تەسیر بوود.

ئامەد شاهۆ ئشارە کردیەسە قسەیل ئەسەد ک کورد روژاوای کوردستان وە خائن ناوبردیە و وەتیە: ئێران لە رێ ئەسەد، عەبادی و ئەردوغان وە تەماس نواگیری لە تێکۆشان ئازادیخوازی گەل کورد بکەی. لە ئەگەر هێرش ئێران ئەڕا سەر کوردەیل لە باکوور سوریە، چارونویسی لە داعش خراو تر بوود.

ئەندام مەجلس پەژاک لە ئدامە نویساس: ئی مەرحەلە وە ئەوە لازم دێری کە لە بەین پارت و لایەنە سیاسیەکان ئێران و روژهەڵات کوردستان دیالۆگ ئاشتیانە، وە خاتر پەیا کردن رێ چارەیک دموکراتیک وەرفراوانتر بوود، پێکهاتن بەرەیک دموکراسی خواز ئێران و کوو کردن هێزەیل دژبەر ئێران لە ژێر چەترێک دموکراتیک، ئازادی و دموکراسی بانان ئێران زەمانەت کەی.

ئەندام مەجلس پەژاک نویساس: ئێران لە شوون رفراندوم باشوور کوردستان وە تەماس حاکمیەت گشتی لە سەر باشوور کوردستان داشتیوی، وە هاوکاری تورکیە و بەشێک لە هێزەیل کوردی وە تەماس دەسکەفتەیل باشوور کوردستان لە ناو بوەی. لە ئی رەوش قەیرانیە تورکیە و ئێران ژمارەی چەکداریان فرە کردیە، لە ئەگەر بەردەوامی، ئەگەر دەخالەت عەبادی لە سەر هەرێم کوردستان هالە ئارا و وە تەمان هەرێم باشوور لە ژێر کونترول کوردەیل دەربارن. سەربار ئەو رەوشە خەتەرناکە کە لە باشوور کوردستان خوڵقیاس، پارتەگان هەمرای ئومێدیان لە دوستی و پەیوەرندی وە گەرد ئێران و تورکیە نەوڕیاس، ئەوە خوەی ریشەی سەرجەم موشکلەیل باشوورە.

ئەندام مەجلس پارت ژیان ئازاد کوردستان پەژاک لە ئاخر مەقالەگەی وە ئەوەیکە خوەینیشاندان وە خت دموکراسیە، وەتیە: گەل لە پێناو دموکراتیزە کردن کۆمەڵگا و حکومەت رشیانەسە خیاوان کە ئەوەیشە جێ ستایشە.

Leave A Reply

Your email address will not be published.