تلویزیون آرین

پولیس فەرانسە هێرش کردە سەر چالاکی داخواز ئازادی ئەڕا ئۆجەلان

26

گردبینەوەی ناڕەزایی داخواز ئازادی رابەر گەل کورد عەبدوڵا ئۆجەلان وە بەشداری ٦٣ سازمان جیاجیای کوردی ئیمڕوژ و لە ٥٢مین ڕوژ هیـمان بەردەوامە.

وە پای زانیاریەکان ئیمڕوژ پولیس فەرانسە هێرش کردیەسە سەر چالاکەیل بەشداری لەو گردبینەوە و فشار خستیەسە سەرێان تا کۆتایی وە چالاکیەکەیان بارن.

کۆمیتەی ئامادەکار ئەو چالاکیە سەربار شەرمەزار کردن هێرش پولیس فەرانسە ئەڕا سەر چالاکی داخواز ئازادی ئۆجەلان، داوا لە کوردەیل نیشتەجێ وڵاتەیل ئرۆپایی کردیە لە باوەت هەڵوێست دەوڵەت فەرانسە بێ دەنگ نەون.

کۆمیتەی ئامادەکار سەربار تاکید لە سەر بەردەوامی چالاکیەکەیان تا ئازادی ئۆجەلان، بێ دەنگی کۆمیتەی نواگیری لە شکەنجەی ئرۆپا، سی‌پی‌تی جوور هاوکار لە سیاسەتەکان تورکیە دژ وە گەل کورد ناو بردیە.

ئەو کۆمیتە داوا لە سازمان سی‌پی‌تی کردیە تا وە زویتەرین وەخت وەزیفەیل سەر شان خوەی جێ وە جێ بکەی.

Leave A Reply

Your email address will not be published.