تلویزیون آرین

لە ناو چەن وەرین ٥ شوون کار و کاسبی باوەرمەندەیل بەهایی لە تەبریز پوڵمپ کریاس

24

لە ئدامەی فشار و هێرشەیل رژیم ئێران لە سەر باوەرمەندەیل ئایین بەهایی، لە ئوستان تەبریز شوون کاسبی ژمارێک لە باوەرمەندەیل ئایین بەهایی پوڵم کریاس.

وە پای راپۆرت هەرانا پێرەکە ١٥ سەرماوەز هێزەیل رژیم ئێران لە شار تەبریز هێرش کردنەسە سەر دوکان یەک باوەرمەند ئایین بەهایی وە ناو تورج میساقی و دوکانەکەی پوڵم کردنە.

کەسێک نزیک وە ئەو کەس بەهاییە وە ئەو سەرچاوە وەتیە: لە ناو روژەیل وەرین تورج میساقی لە لایەن هێزەیل رژیم ئێران بازجویی بیە و لە شوون ئاخەرین ئحزار و بازجوویی شوون کارەگەی پوڵم کردنە.

جێ وەتنە ئیە پەنجمین شوون کار و کاسبی باوەرمەندەیل ئایین بەهاییە کە لە ناو ماەی وەرین پۆلم کریەد.

جی وەتنە ساڵانە دەیان کەس لە باوەرمەندەیل ئایین بەهایی وە خاتر باوەریان لە لایەن هێزەیل رژیم ئێران دەسگیر و سزای زندان وە سەریان داسەپیەد، تەنانەت شوون کار و کاسبییانیش پۆلم و لە دانشگایش دەر کریەن.

Leave A Reply

Your email address will not be published.