جەلەسەی دادگای سەڵاحەدین دەمیرتاش ئەڕا مانگ فوریەی ٢٠١٨ دویا خریا

66

جەلەسەی دادگای هاوسەرۆک هەدەپە سەڵاحەدین دەمیرتاش وەڕێوە نەچی وە ئەڕا مانگ فوریە ساڵ ٢٠١٨ وە دویا خریا.

یەکمی جەلەسەی دادگای سەڵاحەدی دەمیرتاش لە شوون ٣٩٩ روژ زندانی کردن، لە وەختێکە وەڕێوە چی کە دەمیرتاش لە زندان ئەڕا کۆبینەوەی دادگا لە ئانکارا ئنتقاڵ نەیانە.

هەروەیجورە هێزەیل پۆلیس لە بەشداری چەودێرەیل ناونەتەوەیی و نمایەندەیل پارلمان پارت دموکراتیک گەلان هەدەپە لە دادگا نواگیر کردنە.

داددا دەنگ وە بەردەوامی زندان هاسەرۆک هەدەپە سەڵاحەدین دەمیرتاش داس و جەلەسەی بەعدی ئەڕا چواردەهم مانگ فوریە ساڵ ٢٠١٨ وە دویا خستیە.

بێجگە لە کوردەیل، ژمار فرەیگ لە ئازادیخوازەیل و چەپ گەرایەیل لە جەهان خوازیار ئازادی دەمیرتاش و هەزاران ئەندام هەدەپەن.

لە وانە نەوام چامسکی، ئەسلاوی ژیژک، ژمارێک لە نمایەندەیل پارلمان بریتانیا و ژمارێک لە کەسایەتیەیل دانشگایەیل ئروپا و ئامریکا لە ناو چەن روژ وەرین وە بلاو کردن پەیام، خوازیار ئازادی بی قەید و شەرت دەمیرتاش و فیگەن یوکسەکداغ بینە.

Leave A Reply

Your email address will not be published.